Сладо-лед! rev.24

За жал. Ништо ново.

Шефе: да додадеме - ПРОТЕИН - во насловот

Тоа е.

Не знам каде веќе не пишува: „протеински..“ не знам што.

Мислам, чоколино со протеин, инстант пудинг ама со протеин, туна салата протеин со шиме моржот, абе не знам. Озбилно.

Имам идеја: ако некој се занимава со продажба на јајца од кокошки, нека ме бара! Имам место за ко-основач.

Бубачката што го обила светот во црвено

Еднаш многу одамна, имало боја, за која на кралеви и царици им течеле лиги, уметницине паѓале у несвес. Пиратите (не од Карибите - не Џони, не ти што симињаш виндовс и офис илегала) пљачкале бродови за бојата. Дикинсон пишувал за неа. Научниците коси кубеле да дознаат повеќе. Секако, мажи гинеле за да ја имаат..јер мажи и жени.

Како може, една боја, да е толку вредна? Како, толку? Црвената боја, во скоро секоја култура има посебно место. Црвената боја, му вика на окото: „глеј ме, ГЛЕЈ МЕ! Тебе ти зборам!!!“. Не влече црвената, пошто таа е моќ, таа е пасија, таа е бес, таа е жртва, таа е здравје (црвени образи). Изгледа сите ние си имаме во себе нешто што не тера да ја забележиме црвената боја. Кога ќе видиме црвено, ни се забрзува и пулсот и дишењето. Веројатно бидејќи ја врзуваме со раѓање, крв, оган, секс и смрт.

Една од најтешките бои за репродукција била crimson (темноцрвена), или гримизна на македонски и на српски, кипкирмиз на турски, малинова на руски.

Ептен тешка за правење. Што све не се користело за да се добие црвена. Проблемот е дека само неколку природни состојки можат да направат црвена боја. Хена црвена од дрвото хена, брош, бразилско дрво и не знам, користеле и крв за да добијат црвена, ама главно неуспешно.

Кај нас црвена имало од „кермес“ инсект/паразит што живеел во медитеранските дабови стебла. Единствено после походот на шпанците по Америките, во Европа е донесена појака/подобра гримизна.

А баш таа скапоцената црвена е од: cochineal (не можев да ја најдам на мк, за жал) и тоа од женски инсект кој живее паразитски на некојси вид на кактус некаде во Средна Америка. Го користеле од памтивек тие што живееле таму.

Од ова инсектче се добивале милион нијанси на црвена, од светло розе до бургунди..додуше требало 70000 инсекти за пола кило боја, ама едноставно немало подобра црвена од оваа и точка.

И шпанците слетуваат во Мексико, гледаат сите носат облека со феноменална црвена боја.. „дечки од кај црвенава?“, „од едни црвени инсекти од еден кактус.“ - одговорил Мануел. „Така ли, дај ми милион такви инсекти, кај нас ги нема, а црвена е зезнато да се добие.“ Останатото е историја.

Уметниците фатиле да ја користат оваа црвена, ама не сите биле моќни да ја платат, јер уметници, па користеле некаков хибрид кој го добивале од текстил боен со cochenile, а не директно со дробење на инсектот. Кој бил ваков, уметник уметник не се знаело, ама сега со некаква технологија може да се потврди дека Рембрант (од горе) користел, д риал диал, црвена од бубачката.

Како што минува времето, така имаме напредок, па црвената од бубачка некаде во 19ти век ја заменува црвена од јагленов катран?! која нормално е поефтина и сите се префрлаат на алтернативата. Дури и во Мексико престанува да се користи бубачкава.

Но, пази сеа, бидејќи не постои ништо ново на светот, туку само работиве се вртат во круг. Ко што рекол познатиот Панта Реи: се тече се се менува, само Пере е од Нокаут. Денес одново има интерес за природно добиени црвени бои, кој би рекол?

Затоа кога ќе видите по етикетите на тие корејски или не знам какви козметики carmine, carminic acid, crimson lake, Natural Red 4, или E120, да си знаете дека користите, царска гримизна/темноцрвена црвена.

Зошто брзите кредити решенија де, не функционираат, втор дел

Каде бев..

Што навистина мислиш, кога ќе кажеш: „сакам да симнам некое кило“ или „сакам да додадам мускули“? А?

Мислам дека кај сите ако ѕирнеме малку подлабоко, низ муабет мислам, во суштина сакате да се чуствувате убаво во тоа ваше тело, да се движите нормално без да крцкате и пцуете по: нозете, кичмата.. Личи просто ама изгледа не е.

Затоа што, кого и да прашам: „Што ти е целта“?, сите ми го кажуваат едното или другото, да ослабам или да ставам мускули, па потоа следи некоја бројка: -5 кила, +2 кила, сако 50ка..

Остај малку тоа бројките, наместо тоа, пробај: „да се движам, вежбам, работам, ги играм децата, без да се правдам дека нешто ме боли, или не можам сеа баш - уморен.“

Запамти, тоа што физички те боли, секако има ефект врз тоа што ти се врти низ главата. Затоа и секој ден можеш да прочиташ (некогаш и замараат), колку е добро да си физички активен (да се движиш), за менталното здравје и слично. Еве ти пет такви, па ако сакаш занимавај се: 1 2 3 4 5

Зошто запнуваш со тие: ќе се сменам за 30 дена? Зошто спринташ?

Аман, веќе, ќе ослабам 10 кила, ќе додадам 3 кила мускул..

иии евеее ќе ослабеш 10 кила и после што праиме?

Ќе продолжиш да слабееш?

Ќе се одржуваш на твојата нова килажа?

Што е следно?

Да речеме, решиш дека ќе ја одржуваш таа нова килажа. И ќе продолжиш да го правиш истото што го правеше и до сега, за да се задржиш на тоа статус кво? Знаеш дека, како што поминува времето - така тој статус ќе стане потежок! Прогресот во првите неколку недели е феноменален, но, толку, понатака станува се потешко и потешко. И што ќе правиш? Ај ќе ја исецкаш таа новата цел на повеќе мали чекорчиња, као дофатливи?

Дофатливи како Парадокс на дихотомија, „она што се движи, мора прво да помине половина од патот, пред да стигне до целта.“? Така се делат целите на пола и никако не се стигнува до крајната, нели? Не е баш така во реланоста, инаку никаде никогаш немаше да стигнеме, но ју гет мај поинт, пошто цело време ја делиш целта на помали парчиња никогаш нема да тргнеш озбилно нанапред.

Ако одиш со ситни чекори у погрешна насока никогаш нема да стигнеш до целта. Ти требаат вистинските чекори во вистинската насока. Нешто као, и Велес е далеку ако идеш пешки, ама е уште подалеку ако тргнеш накај Тетово.

Или па интересно е и она да „уживаш во процесот“, што главно не е лош совет, ама лесно е да го кажеш или пишам тука, земи направи го тоа у реалноста!

Затоа ти треба почетна точка, јасен пат, што ќе одговара на твојата мастер/крајна/ултимативна цел/идеја, нешто минатиот пат што го објаснував, као лајфстајл/мајндсет.. Инаку ќе се вртиш у круг цело време. Како со диетине, ослаби 3, накачи 4, ослаби 4, накачи 5..

Имам уште, ама ај следниот пат.

Инаку, ако го читаш ова и си климаш со главата у одобрување, знаеш дека само ние може да ти помогнеме.

​​​